په‌ندی پێشینیان 2

1- قه‌ل ئه‌یژن لاسای که‌وی کرده‌وه‌                   ڕۆینه‌که‌ی خۆیشی له‌بیر برده‌وه‌

2- قه‌ت مه‌یژه‌ بوومان، بێژه‌ هه‌مانه                    نان ئه‌و نانه‌یه‌ ئیمڕۆ له‌ خوانه‌

3- کێ باسی خه‌ڵکی کرد به‌لاته‌وه‌                    بۆ ئه‌وان قسه‌ی تۆش ئه‌باته‌وه‌!

4- گێره‌ چۆن ئه‌کرێ به‌ بزنی، هه‌ژار؟               گاجووتی ئه‌وێ و پیاوی کۆنه‌کار

5- خۆی له ‌بۆ ڕاوچی ئه‌کوژێ تانجی                تا که‌رێ نه‌وێ، ئاقڵێ ناژی

6- به‌ توند و تیژی کار ناوێ مه‌یسه‌ر              مار به‌ قسه‌ی خۆش له‌ کون دێته‌ ده‌ر

7- دۆستت تا نه‌بێ وه‌ک خۆت دڵ به‌ کوڵ          بۆی هه‌ڵمه‌ڕێژه‌ خێرا کیسه‌ی دڵ!

8- به‌ کاکه‌کاکه‌ هات به‌ لامه‌وه‌                       بوو به‌ سوجه‌مار، دای به‌ پامه‌وه‌

9- وایان فه‌رمووه‌ قه‌دیمیی دڵپاک                   سوار هه‌تا نه‌گلێ، ناوێته‌ سوارچاک

10- عه‌تر ئه‌بێ خۆی بۆن بدا کاکه‌!                  نه‌ک عه‌تتار بڵێ، زۆر عه‌تری چاکه‌
11- هه‌موو که‌س نه‌کا به‌م په‌نده‌ بڕوا                 هه‌ر‌چی با هێنای، هه‌ر به‌ با ئه‌ڕوا

12- که‌ری دێز ده‌کا حه‌ز به‌ تۆپینێ                   تاکوو خاوه‌نی زه‌ره‌ر ببینێ